Сайд асан Ц.Оюунгэрэлд Мьянмарын парламентийн тэргүүний бэлэглэсэн хаш чулуун зүүлт алга болсон тухай шуугиан өнгөрсөн оны сүүлчээр хэвлэлээр цацагдаж байлаа. Ц.Оюунгэрэл тухайн үед өөрийн туслахаар дамжуулан уг хаш зүүлтийг Гадаад харилцааны яам руу илгээсэн боловч замдаа алга болсон гэж байв. Энэ хэргийг Гадаад харилцааны яам хариуцах уу, Ц.Оюунгэрэл хариуцах уу гэдэг нь тодорхой бус, яг юу болоод өнгөрсөн нь учир битүүлэг байсан юм. Харин саяхан Гадаад харилцааны яамны ажилтнууд “Энэ бол манайд хамааралгүй” гэсэн байна. Мөн УИХ-ын гишүүн Ц.Оюунгэрэл “Зүүлтийг төрд тушаасан” гэжээ. Мьянмарын парламентийн тэргүүний бэлэглэсэн тэрхүү үнэт хаш чулуун зүүлт хулгайлагдаагүй, байх ёстой газраа л байгаа бололтой.
Б.Баяр
Эх сурвалж: Tumen.mn
