"Эрдэнэс Тавантолгой” компаниас их хэмжээний мөнгө авсан, эхнэрийнхээ байгуулсан "Говь повер” компанийн нэр дээр тус компаниас их хэмжээний мөнгө авч, мөнгө угаасан хэрэгт холбогдоод байсан Ерөнхий сайд асан Н.Алтанхуягийн хүргэн Г.Дэнзэнг өчигдөр орой 19:30 минутын орчимд АТГ-аас баривчилжээ.
Хамгийн сонирхолтой нь, түүнээс шалгаж буй асуудалтай холбогдуулан мэдээлэл авна гэж дуудаад баривчилсан байна. Тэрбээр “Би бохир улс төрийн золиос болсон” гэсэн аж. Тиймээс өөрийгөө буруугүйг нотлох гэж ийнхүү очоод шууд баривчлагджээ.
Өмнө нь "Нүүрс” хөтөлбөрийн хэрэгт холбогдож байсан Л.Гансүхийг ч мөн мэдээлэл авах шаардлагатай хэмээн дуудчихаад баривчилж, улмаар олон сар хорьсон ч дараа нь хэргийг нь нотолж чадалгүй гаргаж байсан билээ.
Эх сурвалж www.wikimon.mn
