Малын гоц халдварт өвчин өнөө жил ч мөн олон аймагт гарчээ. Өнгөрсөн жилүүдэд шүлхий өвчин гаарч байсан юм. Харин энэ удаа галзуу өвчин газар авах шинжтэй. Булган, Хэнтий, Өвөрхангай зэрэг долоон аймгийн 10 гаруй сумыг хамраад байгаа аж. Дээр үеэс мал, амьтны галзуу өвчний голомттой аймаг, сум олон бий. Сумдаар тооцож үзвэл нийтдээ 226 суманд мал, амьтны галзуугийн голомттой. Иймээс 1970-аад оноос хойш 40 шахам хүн галзуу чоно, нохойд хазуулан галзуу өвчин тусч, зарим нь нас барсан байна. Одоо лабораторийн шинжилгээгээр нохой, чоно, үнэг, үхэр, адуу, тэмээ, бог малаас галзуугийн вирус илрүүлээд байгаа аж.
Б.Баяр
Эх сурвалж: Tumen.mn
