МАХН-ын дарга Н.Энхбаярыг шүүн таслах үеэр “Эрдэнэт” үйлдвэрийн ган бөмбөлөгийн наймаа нэлээд хурцаар яригдаж байлаа. Гэвч тухайн үед шүүгч нар энэ асуудлыг “бүрэн нотлогдоогүй зүйл” гээд хэрэгсэхгүй болсон юм. Уг ган бөмбөлөгийн эзэн нь “Хенлон” компанийн захирал Ж.Мягмаржаргал байв. Тэрбээр Н.Энхбаяраар Эрдэнэт рүү хэлүүлээд ган бөмбөлөг их хэмжээгээр авсан гэдгээ шүүх дээр хэлсэн байдаг. Гэвч нийтдээ 6 тэрбум төгрөгийн үнэ бүхий ган бөмбөлөг авсан боловч төлбөрөө төлж барагдуулаагүй байжээ. Тэгвэл “Эрдэнэт” үйлдвэрийн уридлага энэ мөнгөө Ж.Мягмаржаргалаас иргэний журмаар нэхэмжилсэн байна. Удахгүй шүүх хурал нь болох ажээ.
Б.Баяр
Эх сурвалж: Tumen.mn
