Х.Тэмүүжинг Хууль зүйн сайд байх үед архидан согтуурсан этгээдийг эрүүлжүүлэх байранд аваачиж “хүмүүжүүлдэг” байсан уламжлалыг халж, эмнэлэгт хүргэж өгдөг болсон юм. Гэвч өнөөдөр эмнэлүүүд ачааллаа даахгүй болоод байгаа тул эмч нар “юун архичинг эмчлэх, тордох” хэмээн ундууцаж байна. Өнгөрсөн онд 65 мянга орчим согтуучуудыг цагдаа нар саатуулсан гэдэг. Тэдний 2500 орчим нь эмнэлэгт хүргэгдсэн боловч 1700 гаруйг нь хүлээн авах боломжгүй гээд гэрт нь буцаажээ. Үүнээс үзэхэд согтуу хүнийг эмнэлэгүүд эрүүлжүүлж, сувилаад байх бололцоогүй юм байна. Саяхан Баянзүрх дүүргийн эмнэлэгт хүргэгдсэн 20 шахам согтуугийн зарим нь төлбөрөө төлөөгүй, зарим нь эмч сувилагч нар руу агсарч золтой л барьж аваад зодчихоогүй салжээ. Эмч нарын дийлэнх нь эмэгтэйчүүд. Сувилагч нар бүгд эмэгтэй. Тэд “согтолт” гэсэн оноштой эрийн гарын шүүс болмооргүй байна. Өвчтөнгүүдээ яая даа гэж байж “согтолт” гэдэг онош бичээд, тэдэнд зодуулчих гээд сууж байх нь дэндүү утгагүй” гэж буй ажээ. Тиймээс амьдралд нийцэхгүй ийм хууль, журмаа өөрчлөхийг тэд шаардаж байна.
Б.Баяр
Эх сурвалж: Tumen.mn
