Өнөө маргаашдаа ихэнх нутгаар дулаан, зарим аймагт нэмэх 20 хэм хүртэл огцом дулаарна. Харин маргаашаас буюу

 14-нд баруун болон төвийн нутгаар, цаашдаа ихэнх нутгаар хур тунадас, нойтон цас орж, хүчтэй салхи шуургатай хүйтэн байхыг Ус, цаг уурын хүрээлэнгээс малчид, тээвэрчид, ард иргэдэд онцгойлон анхааруулж байна. ОБЕГ-аас энэ өдрүүдэд шаардлагагүй бол холын тээвэр хийхгүй байхыг жолооч нарт давхар сануулж байна. 

14-нд баруун болон төвийн нутгаар, 15-нд нутгийн зүүн хагаст, 17-нд баруун болон төвийн нутгийн хойд хэсгээр хур тунадас, нойтон цас орно. Салхи 14-нд ихэнх нутгаар, 15-нд нутгийн зүүн хагаст секундэд 16-18 метр, Алтайн салбар уулс болон говь, талын нутгаар зарим үед секундэд 24 метр хүрч цасан болон шороон шуурга шуурна. 16,17-нд зарим газраар секундэд 12-14 метр хүрч ширүүснэ. 14-нд нутгийн баруун хэсгээр, 15-нд ихэнх нутгаар хүйтэрч Дархадын хотгор, Эгь-Үүр, Ерөө, Туул, Тэрэлж, Онон голын сав газраар шөнөдөө 13-18 градус, өдөртөө 1-6 градус хүйтэн, Их нууруудын хотггор болон говь, талын нутгаар шөнөдөө 2 градус хүйтнээс 3 градус дулаан, өдөртөө 6-11 градус дулаан, бусад нутгаар шөнөдөө 1-6 градус хүйтэн, өдөртөө 3-8 градус дулаан байна. 16-нд ихэнх нутгаар, 17-нд говь талын нутгаар дулаарна.

Б.ТӨГС /ЗУУНЫ МЭДЭЭ/