 |
Олон нийтийн сүлжээгээр “цэнхэр үст” хэмээн алдаршсан “Цэрэн турс” компанийн захирал Э.Цэрэндолгор энэ сарын эхээр хойт туйлыг зорьсон. Учир нь тэрбээр өнгөрсөн оны сүүлчээр хойт туйлд болох “Fjallraven polar 2015” олон улсын нохойн чаргаар аялах тэмцээнд оролцох эрхээ сошиал ертөнцөөр дамжуулан олж авсан юм. Тэгвэл Э.Цэрэндолгор өчигдөр Монгол Улсынхаа төрийн далбааг мандуулсаар бариандаа амжилттай орж ирсэн чадсан байна. Дээрх тэмцээнд нийт 20 оролцогч ганцаарчилсан нохой чарганы аяллаар оролцсон бөгөөд аялал Норвегиос эхлээд Шведэд өндөрлөсөн аж. Таван өдрийн турш 300 км замыг нохой чаргаар туулсан уралдааныхаа талаар Э.Цэрэндолгор өөрийн цахим хуудсаараа сонирхуулж байсан бөгөөд барианд хүрэлцэн ирсэн алтан мөчүүдийнхээ зургуудыг нийтэлж “Тийм ээ. Бид чадлаа” хэмээн бичжээ.
С.НАРАН
С.НАРАН
Эх сурвалж http://www.info.mn
 |
 |
