АТГ-ын дэд даргаар Ц.Нямдоржийг томилов. УИХ-ын чуулганы танхимд түүний талаар хэлэлцэх үед гишүүд АТГ-ыг хүчтэй шүүмжиллээ. Зарим нь энэ байгууллагыг “хадны мангаа”-тай зүйрлэв. Ц.Нямдорж гишүүн харин АТГ-ыг улс төрийн захиалгаар ажилладаг газар гэлээ. Мөн Л.Болд шинэ үеийн хэлмэгдүүлэлтийг АТГ-ынхан хийдэг боллоо гэсэн юм. Тэрбээр “...гэрч нь шоронд яв. Үгүй бол захиалга авсан этгээдийн эсрэг мэдүүлэг өг. Ингэвэл гэрч болгоод чөлөөллөө гэх болов. Энэ чинь үнэхээр шинэ үеийн хэлмэгдүүлэлт. Хэргийг өөрсдөө нотол гэдэг болсон байна. Ийм аргаар наад байгууллага чинь явахгүй ээ. Хэзээ нэгэн цагт шударга ёс тогтоно. Тэр цагт та нар хариуцлага хүлээнэ. Яагаад гэвэл АТГ-ынхан та нар зэвсэг нь учраас тэр. Монголын ардчилал өөрөө хэлмэгдүүлэлтийн хар сүүдэр дагуулж гарч ирж буй нь эмгэнэл юм” гэлээ.
Б.Баяр
Эх сурвалж: Tumen.mn
