Б.ТАМИР

Өмнөговь аймагт коронавирусын тохиолдол илэрснээр уул уурхайн түүхий эдийн экспортын гол цэг болох Гашуунсухайт-Ганцмод, Шивээхүрэн-Сэхэ боомтуудын үйл ажиллагаа тасалдаад хоёр сар болж байгаа. Үүнээс шалтгаалан нүүрс, зэсийн баяжмалын экспорт зогсоод байсан. Нүүрс, зэсийн экспорт тэг зогссон нь  2021 онд төсөвт уул уурхайгаас төвлөрүүлэх хэт өндөр төсөөлөл цаашид төсөв тасалдуулахад хүргэж болзошгүй нөхцөл байдалтай байгаа юм. Тэгвэл зэс нүүрсний экспорт одоо ямар байгааг УУХҮЯ-наас гаргасан статистикаас харвал, Зэсийн баяжмалын экспорт 428.8 мянган тонн зэсийн баяжмал экспортолсон нь өмнөх оны мөн үеэс 11.5 хувиар буурчээ. Харин нүүрсний экспорт он гарсаар 7.923.4 мянган тонн нүүрс экспортолсон нь өнгөрсөн оны мөн үеэс 55.6 хуюийн өсөлттэй гарсан байна. Өсөлттэй гарсан нь сайшаалтай хэдий ч ийм нөхцөлд халдварын тархалт буурахгүй байгаа үед урд хөрш хэзээнээс хэвийн хэмжээнд тээврийн хэрэгсэл нэвтрүүлэх эсэх нь тодорхойгүй байгаа юм.

БНХАУ-д коронавирусын тархалт ихэссэнтэй холбоотойгоор манай улс 2020 оны нэгдүгээр сарын 31-нд хилээ хаасан. Тэгвэл манай улсад коронавирусын тархалт эрчимжсэнтэй холбоотойгоор БНХАУ-ын талаас Гашуунсухайт-Ганцмод боомтод гуравдугаар сарын16-наас, Шивээхүрэн-Сэхэ боомтод гуравдугаар сарын 3-наас зорчих хөдөлгөөнийг хязгаарласан.  Тэвэл Хятадын тал гаалийн хяналтын бүсэд ажиллаж байгаа ажилтнуудаа вакцинжуулах, боомтын ариутгал халдваргүйжүүлэлтийн систем, хяналтыг сайжруулах зэрэг арга хэмжээ авч, хоёр талын хооронд цар тахлын тархалт, урьдчилан сэргийлэх арга хэмжээний талаар мэдээлэл солилцох сувгийг нээснээр энэ сарын 15-ны өдрөөс тоог нэмэгдүүлэн ажиллаж байгаа аж.

Түмэн.мн