Мэргэжлийн хяналтын ерөнхий газраас сар шинэ дөхөж байгаатай холбогдуулан бууз жигнэхдээ доор нь гялгар цаас тавихгүй байхыг анхаарууллаа. Учир нь, МХЕГ-ын төв лабораторт хийсэн шинжилгээгээр жигнүүр дээр дэвсэх зориулалтаар худалдаалагдаж буй гялгар уутны 20 хувь нь нянгаар бохирлогдсон, 10-15 хувь нь гэдэсний савханцар үүсгэгч нянтай гэх дүгнэлт гаргасан байна. Мөн гялгар уут нь өндөр хэмийн халуунд хүнсний бүтээгдэхүүнтэй урвалд орж формалдегид, бензил, тлуол зэрэг олон төрлийн органик уусгагч ялгаруулдаг талаар мэдээлсэн юм. Дээрх бодисууд нь хүнсэнд шингэж элэгний хорт хавдар, ходоодны шархлаа үүсгэх нөхцөлийг бүрдүүлдэг байна.Эх сурвалж: www.assa.mn
