ШӨХТГ-ынхан нийслэлийн гэр хорооллуудад очиж иргэдтэй уулзаж нөхцөл байдалтай танилцах, судлах ажлыг эхлүүлсэн. Учир нь иргэдээс хог хаягдал цуглуулах, тээвэрлэх үйлчилгээ, цахилгаан  эрчим хүчний төлбөр тооцоо, үйлчилгээний чанартай холбоотой өргөдөл гомдол ихээр ирж байгаа аж. Уулзалтын үеэр иргэд хог хаягдал цуглуулах, тээвэрлэх үйл ажиллагааг илүү боловсронгүй болгож ангилж ялгадаг болох, цахилгааны хэрэглээгээ хянаж чаддаггүй, мөнгө төлөх гэхээр заалт нь бичигддэггүй, ус тээвэрлэлт ариун цэврийн шаардлага хангаж байгаа эсэх дээр шалгалт хийж өгөх гэх мэтээр өөрсдөд тулгамдаж байгаа асуудлуудынхаа талаар санал хүсэлтээ илэрхийлжээ. Харин ШӨХТГ-ын дарга Т.Аюурсайхан орон сууцны иргэдэд тулгамдаад байгаа СӨХ-ийн үйл ажиллагаан дээр хяналт шалгалт хийж дуусаж байгаа тухайгаа дурдаад гэр хорооллын айлуудад тулгарч байгаа асуудлууд болох хог тээвэрлэх, цуглуулах үйл ажиллагааны бодит нөхцөл байдал ямар байгаа, энэ үйл ажиллагааг эрхлэж байгаа аж ахуй эрхлэгчдийг ямар сонгон шалгаруулалтуур шалгаруулсан, иргэд хэрэглэгчдэд хэрхэн нийцэж байгаа эсэх, цахилгаан тоолуураа иргэд хэрэглэгчдэд хянаж байх эрхийг нь хангах, усан хангамжийн ариун цэвэр чанар хангаж байгаа эсэх дээр хяналт тавихаа хэлжээ.

Т.Болор

Эх сурвалж: Uls.mn