“Найтын Австрали Монголын сургууль”-ийн хамтран үүсгэн байгуулагч, “OOGII Edu” болон “OOGII Fashion”-ий захирал О.Оюунцэцэгийн гэр бүл "Лантуун Дохио Австрали ТББ"-д жил бүр 20 сая төгрөг хандивлахаа мэдэгдлээ.
Тэрбээр өөрийн цахим хуудаснаа, "Төр засгаас хүүхдийн Эрүүл Мэнд, Аюулгүй байдал, Боловсролд зориулсан дэс дараалалтай, үр дүнтэй төслүүд хийж гүйцэтгэх шаардлагатай байна. Үүнийг бид, эцэг эх, асран хамгаалагчид шаардах эрхтэй! Гэхдээ хүчирхийллийг сурталчилж бус!
Төрийн бус байгууллагуудаас хүүхдийн төлөө хамгийн үр дүнтэй ажлууд хийдэг Lantuun Dohio Australia байгууллагын төслийг дэмжээд манай гэр бүлээс жил бүрийн 9.01нд “20 сая төгрөг” бэлнээр хандивлаж байхаар шийдлээ.
Энэхүү мөнгийг яаж зарцуулах нь тухайн төрийн бус байгууллагын асуудал ч 30%-г нь заавал “Хүүхдийн Боловсрол”-д зарцуулахыг хүсч байна. Энэ тайлангаа жил бүр өгөөд энэхүү санхүүжилтыг бид 10%, 10%-р нэмээд явах боломжтой.
Найтын Гэр Бүлээс
Хүүхэд бүр эрүүл, саруул байх болтугай..." хэмээжээ.
