УИХ-ын Төрийн байгуулалтын байнгын хорооны хуралдаанаар Сонгуулийн тухай хуулийг хэлэлцэж байна.
Энэ үеэр Сонгуулийн ерөнхий хорооны дарга П.Дэлгэрнаран сонгуулийн зардалтай холбоотой асуудалд дараах тайлбарыг өглөө.
Тэрбээр "Өмнөх хуулиар ухуулагч цалин хөлсөөр ажиллахаар ойлгогдохоор байсан бол шинэ хуулийн төсөлд ухуулагч сайн дурын үндсэн дээр ажиллахаар тусгасан. Хэрэв нэр дэвшигч ажлын хөлс төлье гэвэл хөдөлмөрийн хөлсний доод хэмжээнээс илүүгүй байна.
Нэр дэвшигчээс гарах зардал 50 орчим хувиар багасаж байгаа. Намын ухуулагчийн тоог өсгөх талаар төсөлд тусгаад байна. Намын ухуулагч 100 байсныг 500 болгосон. Хувь хүнээс өгч буй хандивын дээд хэмжээ гурван сая төгрөг байсныг таван сая төгрөг болгож, хуулийн төсөлд оруулсан" хэмээв.
