КОВИД-19-ийн шинэ хувилбар болох Өмнөд Африкаас гаралтай Омикрон нь дэлхий даяар тэр тусмаа вакцинд хамрагдсан хүмүүсийн дунд ч хурдацтайгаар тархаж байна. Хэдийгээр уг хувилбараар халдварласан тохиолдолд хөнгөн өвдөж байгаа ч энэ байдлаараа хурдацтай тархах юм бол олон сая хүн халдвар авахаар байгааг холбогдох албаныхан анхааруулжээ.

Их Британийн Өвчнийг хянах, урьдчилсан сэргийлэх газрын явуулсан судалгаагаар Файзерын вакцин Омикроны эсрэг 30 хувийн, Астразенекагийнх ямар ч үр дүнгүй нь тогтоогджээ. Гэхдээ нийт гурван тун буюу бүүстер вакцинаа ч гэсэн файзерыг сонгож хийлгэсэн бол шинэ хувилбараар халдварлахаас хамгаалах магадлал 70-75 хувь аж. Түүнчлэн Омикроны тархах хурд Дельта хувилбартай харьцуулахад 3-8 дахин их байгаа нь тогтоогджээ. Их Британийн Өвчнийг хянах, урьдчилан сэргийлэх төвийн тооцоолсноор Омикрон энэ хэвээрээ хурдацтай тархсаар байвал энэ сарын дунд үе гэхэд буюу ердөө хэдхэн хоногийн дараа шинэ хувилбараар халдварласан хүний тоо Дельтагаар халдварласан хүний тоотой тэнцэхээр байгаа аж.

https://www.yahoo.com/news/winter-omicron-wave-coming-quickly-130022383.html