Сэлэнгэ аймгийн Мандал сумын Ноён ууланд хайгуулын зориулалтаар “Сентерра Гоулд” ХХК зөвшөөрөл авсан байгаа.

Энэ уул хүдрийн 27 667 378 тонн, алтны 75 942,11 тонн нөөцтэй нь тогтоогдсон. Энэ баялгийн 66 хувийг “Сентерра Гоулд” ХХК, 34 хувийг төр эзэмшихээр болсон бөгөөд ашиглалтын лиценз нь “Сентерра Гоулд” ХХК-д байдаг. Харин “Сентерра Гоулд” ХХК-ийн эзэмшдэг ашиглалтын дөрвөн лиценз нь хууль бус тул цуцалж өгнө үү хэмээн “Ноён уулаа аваръя” хөдөлгөөнийхөн Нийслэлийн захиргааны хэргийн шүүхэд өргөдөл гаргасан. Улмаар хариуцагчаар Ашигт малтмалын газрыг татсан.

АМГ нь гуравдагч этгээдээр Монгол улсын Засгийн газрыг татаад байгаа. Нэхэмжлэгч тал хүсэлт гаргасны дагуу Ноён ууланд болон Ашигт малтмалын газарт шүүхээс үзлэг хийсэн. Улмаар өнөөдөр Ноён уулан дахь “Сентерра Гоулд” ХХК-ийн ашиглалтын 2, хайгуулын 2, нийт 4 лицензийг хүчингүй болгуулах нэхэмжлэл бүхий шүүх хурлыг хийх юм. Шүүх хурал Нийслэлийн захиргааны хэргийн шүүхэд болов. Хурлаар Сэлэнгэ аймгийн Мандал суманд орших Ноён уулыг ухах дөрвөн ашиглалтын лицензийг шүүхээс цуцлах нь зүйтэй гэж үзсэн байна. Харин хариуцагч тал шүүхийн шийдврийг хүлээн зөвшөөрөхгүй байгаа тул давж заалдахаа мэдэгдэв.

О.Сайхан

Zaluu.com