Болгар улсын Софи хотноо хөгжмийн дээд сургуульд суралцаж байсан авьяаслаг дуучин Л.Солонго СУИС-ийг Ардын жүжигчин А.Долгорын удирдлаган дор төгссөн нэгэн. “Хүслийн бороо” нэртэй анхны бие даасан цомгийнхоо нээлтийн үеэр “Соёлын тэргүүний ажилтан” цол тэмдгээр энгэрээ мялаасан тэрбээр хөл хүндтэй гэдгээ тухайн үед олны нүднээс нуугаагүй. Өдгөө ээж болж, охин үрийн зулай үнэрлэсэн дуучин бүсгүйн нөхрийг Тариаланг дэмжих сангийн захирлаар ажиллаж байсан, ИЗНН-ын гишүүн М.Хүрэлсүх гэдэг эрхэм гэдгийг ч хэвлэлийнхэн дэлгэсэн билээ.
Залуу дуучин Л.Солонгод олон сайхан дууны үг бичиж өгч, цомгийнх нь спонсороор ажилласан яруу найрагч, бизнесмэн М.Хүрэлсүх өмнө нь Баянхонгор аймгаас УИХ-ын сонгуульд нэр дэвшиж байсан чамгүй бэлтэй эр гэлцдэг. Мөн тэрбээр “Нарантуул” захын хажууд байдаг шөнийн захын эзэн төдийгүй бизнесээ өргөжүүлж, үл хөдлөх хөрөнгийн бизнест хөл тавьсан хэмээгдэж буй.
Урьд нь амьдрал зохиож байсан түүний хувьд, үр хүүхдүүд нь хэний ч гарыг харахааргүй өсч том болцгоожээ. Анхны эхнэрээсээ салж өөрөөсөө 20 насаар дүү, дуучин бүсгүйг сонгосон тэрбээр БОНХАЖ-ын шинэхэн дэд сайдуудын тоонд багтаад удаагүй байгаа юм билээ. Тэгвэл хэсэг хугацаанд гэртээ сууж, охиноо асарч байсан дуучин бүсгүй саяхнаас төрийн албанд орсон бөгөөд тохилогхон оффист хэрхэн тухлах болсноо дэлгэхийн сацуу чухам ямар ажил эрхэлж буйгаа нууцлав.
Photonews.mn
