2016 оны 4-р сарын 25-ны 16 цагийн байдлаар Баянзүрх дүүрэгт үйл ажиллагаа эрхэлж буй "Нью свийт фүүдс" ХХК-ийн эклер нэрийн бүтээгдэхүүнийг худалдан авч хэрэглэсэн 45 хүн хоолны хордлого гэсэн оноштойгоор ХӨСҮТ оношлогдож, 27 хүн хэвтэн эмчлүүлж байгаа талаар манай манай сайт мэдээлж байсан билээ.Нийслэлийн Мэргэжлийн хяналтын газраас 4-р сарын 24 ний өдөр19:40 минутад тус үйлдвэрлэлийн үйл ажиллагааг зогсоож, эрүүл ахуйн тандалт судалгаа хийж, сэжиг бүхий ундны ус, түүхий эд, бэлэн бүтээгдэхүүнээс зохих журмын дагуу дээж авч Нэгдсэн төв лабораторид шинжлүүлэхээр хүргүүлэн хүнсний сүлжээнд нийлүүлэгдсэн эклерийг яаралтай татан авах ажил хийгдэж,нийт 154 ширхэг бүтээгдэхүүнийг хураан аваад байсан.
Гэвч эклерээс хордлого авсан хүмүүсийн тоо тасралтгүй өссөөр өнөөдөр өглөөний мэдээгээр хордлого авсан хүмүүсийн тоо 128 болж,79 хүн ХӨСҮТ-д хэвтэн эмчлүүлж байгаа талаар холбогдох албаны хүмүүс мэдээллээ.
Гэвч эклерээс хордлого авсан хүмүүсийн тоо тасралтгүй өссөөр өнөөдөр өглөөний мэдээгээр хордлого авсан хүмүүсийн тоо 128 болж,79 хүн ХӨСҮТ-д хэвтэн эмчлүүлж байгаа талаар холбогдох албаны хүмүүс мэдээллээ.
Иймд иргэд та бүхэн "Нью свийт фүүдс" ХХК-ийн эклер нэрийн бүтээгдэхүүнийг худалдан авахгүй, авсан бол хүнсэндээ хэрэглэхгүй байхыг анхааруулж байна.
