Засгийн газрын ээлжит хуралдаан орой өндөрлөв. Энэ хуралдаанаар Ерөнхий сайд Ч.Сайханбилэг Засгийн газраа бүрдэхээс нь өмнө зарим агентлагийн дарга нарыг өөрчилж томилжээ. Хамгийн эхэнд Хэвлэлийн төлөөлөгч, олон нийттэй харилцах асуудал эрхэлсэн зөвлөхөөрөө сэтгүүлч Ц.Мөнхтөрийг ажиллуулах шийдвэр гаргаж. Ц.Мөнхтөр өмнө нь Засгийн газрын Хэвлэл мэдээлэл, олон нийттэй харилцах албаны даргаар ажиллаж байсан юм. Үүнээс гадна хуулийн байгууллагын зарим дарга нарыг өөрчилсөн юм. Тухайлбал, Шүүхийн шийдвэр гүйцэтгэх ерөнхий газрын дарга С.Буяндалайг чөлөөлж, Б.Билэгтийг, Тагнуулын ерөнхий газрын дарга Б.Ариунсанг чөлөөлж Б.Хурцыг, Цагдаагийн Ерөнхий газрын дарга С.Баатаржавыг чөлөөлж, Р.Чингисийг, Татварын Ерөнхий газрын дарга Т.Батмагнайг чөлөөлж Б.Ариунсанг тус тус томиллоо.
Эх сурвалж unen.mn
