Сав суулгах хагалгаанд хэдэнтээ орсон ч биеийн байдал нь сайнгүй байгаа Н.Ган-Одыг өчигдөр өглөө БНСУ-руу эмчилгээнд явах гэж байхад нь нисэх онгоцны буудлаас эрүүгийн цагдаагаас саатуулан баривчилжээ. Цэнхэр хослол өмсөж үзэл бодлоо илэрхийлсэн видеонд хэн нэгний нэрийг дурдаагүй ч дуучин Нара өөр дээрээ тусган авч гомдол гаргасны дагуу Н.Ган-Одыг баривчилсан байна.
Харин Н.Ган-Од буюу Ганбууш уг асуудлаас үүдэн гарсан эрүүл мэнд, нэр хүнд, сэтгэл санааны хохирлоо дуучин Нарагаас хуулийн дагуу нэхэмжлэхээс гадна дуучин Нарагийн ард удирдан санхүүжүүлж байгаа захиалагчдыг олны өмнө илчилж, эцсээ хүртэл тэмцэнэ гэдгээ өөрийн фейсбүүк www.fb.com/ganbuush хуудсаараа дамжуулан мэдэгдсэн байна.
Ийнхүү эмчилгээнд явах эрхээ хасуулсан Ганбууш дуучин Нарагийн “хүчирхэг сайн ах” нартай “дайн” зарлав. Өнөөдөр Н.Ган-Од өмгөөлөгчийн хамт хэвлэлийн бага хурал зарлаж мэдээлэл хийхээр болжээ.
М.Наран
ЭХ СУРВАЛЖ: TASHUUR.MN
