Багануур дүүрэгт портертой жолооч нарын эсэргүүцлийн жагсаал болж байна. Жолооч нар “Багануур” ХХК-ийн удирдлагуудад нэгэн шаардлагыг тавин жагсаж байгаа аж. Тодруулбал, жолооч нар тус уурхайгаас нүүрсийг 27500 төгрөгөөр худалдаж авах шаардлага тавьжээ.
Тэд “Уг нь уурхайн төлөөлөн удирдах зөвлөлөөс нүүрсээ 39000 төгрөгөөр зарах шийдвэр гаргасан байдаг. Гэтэл Ерөнхий сайд асан Н.Алтанхуяг өөрийн биеэр очин өөрийнхөө ахлах зөвлөхөөр удирдуулж, нүүрсийг 27500 төгрөгөөр авсан гэдгийг бид зурагтаар харлаа. Тиймээс жирийн иргэд бид ч гэсэн адилхан эрх эдэлж, нүүрсийг 27500 төгрөгөөр худалдаж авна” гэжээ.
Энэхүү жагсаалын талаар бид эргэн мэдээлэх болно.
Б.Чимэг
