“Монгол аура” төвийн тэргүүн Б.Сарандаваагийн талаар зарим мэдээллийн хэрэгслүүд бичихдээ шинжлэх ухааны доктор, эсвэл дэд доктор, дэд профессор хэмээн “цоллох” болжээ. Шинжлэх ухааны доктор гэвэл ямар нэгэн бүтээл, нээлт хийсэн байж таарна. Гэвч түүний нээсэн онолын болоод практикын юу ч олддоггүй юм байна. Уг нь манай эрдэмтэн мэргэдийн бүтээл аль ч нолмын санд байж л байдаг. Аргаа бараад Шинжлэх ухааны академиас асуулаа. Тэгсэн чинь тэндэхийн удирдлагууд “Манай эрдэмийн зөвлөлөөр Б.Сарандаваа гэдэг хүний шинжлэх ухааны судалгааны бүтээл огт хэлэлцэгдээгүй. Манайхаас шинжлэх ухааны докторын зэрэг олгоогүй” гэсэн хариу өгөв. Харин дэд доктор, дэд профессорынх нь мөрөөр өмшгөөд явтал  Зурхай судлалын хүрээлэн, “Бага хүрэл тоонот” төв гэгч төрийн бус байгууллагаас түүнд ийм хоёр төрлийн цол хэргэмийг нэгэн зэрэг олгосон байх юм. Монголд  иргэний байгууллага өдөрт хэдэн арваараа төрж гарсаар байгаа. Тэдгээрийн дотор хууль, зарчим баримталж яваа нь хэд байгаа бол. Судлаачдын дүгнэлтээр өнөөдөр зөв зохистой төлөвшсөн  төрийн бус байгууллага хуруу дарам цөөн гэж байна. Ийм нөхцөлд  дэд доктор, дэд профессор гэдэг боловсролын томоохон хэргэм зэргийг захын нэг иргэний байгууллага олгоод  байгаа нь үнэндээ тэнэглэл гэлтэй.  Энэ ажлыг мэргэжлийн удирдлагаар хангах үүрэгтэй Боловсрол шинжлэх ухааны яам нь ч таг чиг, дүлий дүмбэ царайлаад явж байгаа нь гайхалтай юм.

Б.Отгонбаяр 

tumen.mn