Шадар сайд С.Амарсайхан сүүлийн үед стандартчилал, хэмжилзүйн салбарт ихээхэн анхаарал хандуулдаг боллоо. Тэрээр өөрийн хариуцаж байсан Мэргэжлийн хяналтын ерөнхий газрыг татан буулгах ажлыг амжилттай хэрэгжүүлсэн. Аливаа зүйлийг нураах бол маш амархан харин эвлүүлж босгох нь ихээхэн ур чадвар шаарддаг гэж сургасан байдаг. Энэ нураалтыг оновчтой хийгээгүйгээс тал бүр хойд аавын хаяа бараадсан өнчин хүүхэд шиг байцаагч нар талын нэг тарчихсан байдалтай байна. Үнэхээр хүнс, эмийн аюулгүй байдлыг цэглэе гэвэл олон улсын жишгээр Хүнс эмийн хяналтын газрыг тусад нь байгуулчихсан бол энэ хяналт одоо Хүнс, хөдөө аж ахуй хөнгөн үйлдвэрийн яам, Эрүүл мэндийн яам, Стандарт, хэмжилзүйн газар, Гаалийн ерөнхий газар, Шударга, өрсөлдөөн хэрэглэгчийн төлөө газар гэх мэт газрууд таван яам агентлагуудад тарж цацагдахааргүй байлаа.

Гагцхүү Шадар сайдын зөвлөх баг маш чадвар муутайн гадна нийслэлтэй учир зүйгээ олж чадахгүй байна. Өөрөөр хэлбэл түүний удирдлагад ажиллаж байгаа агентлагийн удирдлагууд крандуулж томилогдсон чадваргүй хүмүүс байдаг бөгөөд тэдэнтэй хариуцлага тооцож мэргэжлийн хүмүүсээр багаа бүрдүүлж чадаагүйгээс боловсруулсан хууль, баримт бичгүүд нийгэмд гологдож эхэлсэн. “Стандарт ба хөгжил” нэртэй хөтөл бөр нь ижил төрлийн хөтөлбөрүүдээс хуулсан эзнээ олоогүй ажлын цуглуулга болсон талаар хэлэлцүүлэг дээр нэгэн мэргэжилтэн шүүмжилж байв. С.Амарсайхан саяхан Стандарт хэмжилзүйн газрын “Нийслэлийн лаборатори”- ийн ажилтай танилцаж, баахан үүрэг өглөө. Эндээс хууль бус маш олон зүйлийг ажиглаж болно.

Нэгдүгээрт, “Стандартчилал, хэмжил зүй тохирлын үнэлгээний тухай” хуулиар Нийслэлд Стандарт хэмжилзүйн хэлтэс байгуулагдах хуулийн заалттай. Харамсалтай нь дарга нарын хоорондын толхилцооноос энэ хэлтэс байгуулагдаагүй бүтэн гурван жилийн нүүр үзэж байгаа бөгөөд Шадар сайд С. Амарсайхан Стандарт, хэмжилзүйн газрыг нийслэлийн Стандарт, хэмжилзүйн газар болгон ажиллуулж хууль зөрчсөн байна.

Хоёрдугаарт, дээрхи хуулийн шаардлага болон олон улсын жишгийн дагуу Стандарт хэмжил зүйн газар нь тохирлын үнэлгээний бодлогыг тодорхойлж ажлын уялдааг зохицуулж холбодог субъект байх ёстой юм. Гэтэл энэ байгууллага нийслэлийн хэрэглэгчдтийн жин туухай, ус цахилгаан, шатахуун түгээгүүрүүд, дэлгүүр, зочид буудал, нийтийн хоолны газар, аялал жуучлалын газруудад тохирлын гэрчилгээ бичих өгөх ажилд хамаг анхаарлаа төвлөрүүлдэг чиглэлийн үйл ажиллагаа явуулдаг хувийн хэвлийнхэнтэйгээ өрсөлддөг нэгэн төрийн компани мэт болгон хувиргаж ажиллуулж байгаа нь С.Амарсайханы энэ салбарт хэрэгжүүлж буй эмгэнэлт ухралт гэж үзэх хүмүүс олон байна. Эцэст нь хэлэхэд дарга нарын маргаанаас үүдэж, төрийн нэг чухал агентлагийн ажил зогссон гэж ойлгож болно.

Tumen.mn