Манай урлаг соёлын, төдийгүй улс төрийн эрхмүүд сүүлийн үед өөрийн гадаад төрхөнд анхаарч "фитнесс клуб"-т биеэ хөгжүүлэх болсон.
Тэр дундаа үргэлж олны анхаарлын төвд байж өөрийн биедээ хамгийн их анхаардаг дуучин бол Камертон хамтлагийн ахлагч, Төрийн соёрхолт дуучин Д.Болд билээ.
Түүний өмсөж зүүх, эдэлж хэрэглэж буй бүхэн үргэлж хамгийн шилдэг, тансаг, сүүлийн үеийн загвар байдаг, Монголдоо л Дэлхийн оддын дайтай амьдардаг тэрбээр өнгөрөгч 6-р сарын 24-нд Камертон хамтлагийнхаа 20 жилийн ойн баяраар өөрийн "VIBE105.5 фм"-ийнхээ нээлтийн үйл ажиллагааг хийгээд амжсан.
Мөн удахгүй өөрийн 12 дахь бие даасан цомогоо гаргахаар шургуу ажиллаж буй түүнд цахим ертөнцөөр маш олон хоч өгөх болжээ. Фитнесст тууштай бэлтгэл хийдэг түүний бие баримал шиг л булчинлаг болсноос болж "Боди Болд" хэмээх болсон, мөн хамгийн тансаг бүхнийг эдэлж, хэрэглэдэг түүнийг "Бренд Болд" хэмээх нь бий, загварын өндөр мэдрэмжтэй тэрбээр хаа ч явсан ганган харагддаг бөгөөд үүнээс нь үүдэн "Загварлаг Болд" гэх хоч нэлээд хэдэн жилийн өмнөөс сонсогдох болсон. Ингээд тоочоод байвал түүний хочийг тоолж барахгүй.
Тэгвэл Боди дуучин маань Men's Health Монгол сэтгүүлийн 10-р сарын COVER зургийг булчинлаг биеэрээ чимсэн байна.
Т.Ганаа
