Сар шинийн баярын өдрүүдэд нийслэлийн хэмжээнд автозамын түгжирлээс гадна осол аваар ихтэй байлаа. Замын цагдаагийн газарт нийтдээ 910 гаруй дуудлага иржээ. Үүний 730 гаруй нь авто замын аваар осолтой холбоотой байв. Осолд өртөгсдөөс 67 хүн хүнд, хөнгөнөөр гэмтэж бэртсэн байна. Мөн зам хөндлөн гарч явсан дөрвөн хүүхэд гэмтжээ. Аваар осол гаргасан согтуу жолооч нар ч цөөнгүй тааралдав. Осолд орсон 27 жолооч согтуугаар автомашин жолоодож явжээ. Зөвхөн өчигдөр гэхэд Хан-Уул дүүргийн нутаг дэвсгэрт, Өлзийт хорооллын зам дээр автомашин онхолдож нэг хүн нас барсан байна.
Б.Баяр\
Эх сурвалж: Tumen.mn
