Дэлхийн усны өдрийг энэ сарын 22-нд тэмдэглэнэ. Монголчууд ус гэхээр “Өө, хар ус уу” хэмээн үл тоох хандлагатай. Усны хомсдолд орж буйгаа тэр бүр мэддэггүй. Өнөөдөр дэлхийн долоон тэрбум хүн амын хоёр тэрбум нь усны хомсдолтой байна. Манай орны хувьд цэвэр усны нөөцийн 90 гаруй хувь нь газрын гадаргуу дээр, үлдсэн хэсэг нь гүнд байдаг. Нийслэлчүүд гүний усаа юм болгонд ашигладаг. Ноолийн өрөөний бохироо цэвэр усаар зайлуулдаг улс орон манайхаас өөр бараг үгүй болох төлөвтэй. Гүний усаа ингэж хайр гамгүй зарцуулснаас болоод нийслэлчүүд усны хомсдолд ороход бэлэн болжээ гэсэн судалгаа хийгдсэн байна. Мөн судалгаагаар нийслэл хотын нутаг дэвсгэрт 28 цэгт борооны ус их хэмжээгээр хуримтлагддаг гэж гарчээ. Үүнийг ашиглан усан сан байгуулж, ядаж бохироо зайлуулах, үйлдвэрийн зориулалтаар ашиглах шаардлагатай болсон байна.
Б.Баяр
Эх сурвалж: Tumen.mn
