Уржигдар буюу энэ сарын 23-нд Сонгинохайрхан дүүргийн 20 дугаар хорооны нутагт дэвсгэрт, “Номин холдинг” компанийн худалдааны төвийн ойролцоо хийн баллон дэлбэрсэн байна. Энэ өдрийн 16 цагийн үед болсон уг хэргийн улмаас таван хүн түлэгдэж, Түлэнхийн эмнэлэгт хүргэгджээ. Хэргийн газарт хураалттай байсан 20 кг-ын багтаамжтай 10 баллоны нэг нь дэлбэрсэн байв. Дэлбэрэлтийн шалтгаан нь хадгалалтын горим зөрчсөнтэй холбоотой аж. Энэ хэргийг дүүргийн цагдаагийн хэлтсийнхэн шалгаж байна.
Б.Баяр
Эх сурвалж: Tumen.mn
