нийтлэсэн Admin
Малайзын Цагдаагийн газраас энэ сарын 16-нд архи согтууруулах ундаа хууль бусаар хил нэвтрүүлэх гэж байсан Монгол Улсын далбаатай хөлөг онгоцыг саатуулжээ. “БЕРНАМА” агентлагийн мэдээлснээр тус хөлөг онгоцонд 1.2 сая долларын хууль бус бараа тээвэрлэсэн гэнэ.
Малайзийн эргийн хамгаалалтын албаны төлөөлөгч Мустафа Камаль Абдул “Өмнөд Жохор мужийн эргийн орчим явж байсан Монголын далбаатай хөлөг онгоц их хэмжээний хориотой бараатай яьж байсныг илрүүлэн баривчилсан. Сингапураас Индонезийн Думай хот руу явж байсан гэх энэ онгоцонд үзлэг хийхэд бичиг баримтан дээр бүртгэлтэй байсан тосны оронд 7840 хайрцаг виски, ром дарс байсан” гэж мэдэгджээ. Хөлгийн багийн 23-54 насны зургаан гишүүнийг баривчлан саатуулсан байна.
Эх сурвалж: Шуурхай.мн
