Өнгөрсөн өдрүүдэд нутгийн ихэнх хэсгээр орсон цас, шуурганаар олон хүн төөрч, зарим нь сураггүй байгаа талаар мэдээлсэн билээ. Тэгвэл өчигдөр Дундговь аймгийн Эрдэнэдалай сумын малчин 50 настай “О”-г эрлийн багийнхан эсэн мэнд олж авчээ. Тэрбээр төөрч явсаар азаар нэгэн айлын өвөлжөөнд тулж очин, тэндээ шуурганаас хоргодож байжээ. Харин Хэнтий аймгийн Цэнхэрмандал сумын нутагт машинтайгаа явсан Багануур дүүргийн харъяат, 55 настай “Б”-г олж чадаагүй байна. Гэхдээ түүний унаж явсан машиныг Цэнхэрмандал сумын нутгаас олжээ. Эрлийн баг ажлаа үргэлжлүүлж буй аж.
Б.Баяр
Эх сурвалж: Tumen.mn
