Мах, махан бүтээгдэхүүний үнэ сүүлийн нэг жилд 21 хувиар өсжээ. Харин өмнөх сараас 0.6 хувиар буурсан байна.
Үнэ өмнөх оноос 22 хувиар өсөхөд үхрийн махны үнэ 21, хонины ястай махны үнэ 24 хувиар өссөн нь голлон нөлөөлжээ.
Улаанбаатарт худалдаалж буй үхрийн цул 1 кг махны дундаж үнэ өнгөрсөн сард 14990 төгрөг болж, 2018 оны мөн үеэс 60, 2019 оныхоос 13, 2020 оныхоос 15 хувиар тус тус өсжээ.
Харин өмнөх сараас 100 төгрөгөөр буурсан байна.
Улаанбаатар хотод худалдаалж буй үхрийн ястай 1 кг махны дундаж үнэ өнгөрсөн сард 13342 төгрөг, хонины ястай 1 кг махны дундаж үнэ 10773 төгрөг байв.
Аймгуудад хонины ястай 1кг махны дундаж үнэ 9185 төгрөг, Говь-Алтайд 7500 төгрөг байгаа нь хамгийн бага, Ховдод 12000 төгрөг байгаа нь хамгийн өндөр байна гэж ҮСХ-ноос мэдээлэв.
