“Балар эртний цадиг-II” үзэсгэлэн 9-р сарын 19-ны Пүрэв гарагийн 18:00 цагт нээлтээ хийх гэж байна. Монголчуудын уламжлал шүтлэг бөө мөргөлийн тухай түүх өгүүлсэн эд өлгийн зүйлс, эрт эдүгээгийн зайран удгадын онгод шүтээн, хувцас хэрэглэлийг дэлгэн танилцуулж байгаа энэхүү үзэсгэлэн сүүлийн жилдээ дэлгэгдэж, нэн ховор өв дурсгалыг олны хүртээл болгоно гэдгийг зохион байгуулагчид онцоллоо. Хоёр дах удаа нээгдэж байгаа үзэсгэлэн энэ жил эртний халх зайрангуудын хуяг хувцас, хэц хэнгэрэг, зан үйлдээ ашиглаж ирсэн бусад зүйлсийг цогцоор нь багтаасан дэглэлттэй гэдгээрээ анхаарал татаж байна. Мөн нөгөөдөр үдэш болох нээлтэд 15 бөө хэц хэнгэрэгээ зэрэг дэлдэж тэнгэрийн шүншигийг шингээсэн амьтай үзмэрүүдийг аргадаж хурсан олонд хүндэтгэл үзүүлнэ “Балар эртний цадиг-II” үзэсгэлэнг Т.Ангар зайран санаачлан зохион байгуулж Үлэг гүрвэлийн төв музей хамтран ажиллаж байгаа юм. Үзэсгэлэнгийн нээлтэд сонирхсон хүн бүр ирэх боломжтой. Та бүхнийг хүндэтгэн урьж байна.

Дэлгэрэнгүй мэдээллийг 88004231 дугаараас аваарай.