Өчигдөр үдээс өмнө Хууль зүйн байнгын хороо хуралдаж, Өршөөлийн хуульд нэмэлт өөрчлөлт оруулах төслийг хэлэлцэх байсан. Гэвч гишүүдийн ирц бүрдээгүй учир байнгын хороо хуралдсангүй. Гэтэл үдээс хойно ээлжит бус чуулган хаалтаа хийсэн. Өршөөлийн хуульд нэмэлт өөрчлөлт оруулж батлаагүй тул уг хуулийн үйлчлэх хүрээ хэрхэх талаар УИХ-ын гишүүн Ц.Нямдорж өөрийн байр суурийг илэрхийлжээ.
Тэрбээр "Өршөөлийн хуульд хүлээж авсан хоригийг тусгаж, өөрчилж байж хууль хэрэгжинэ. Одоо ямар ч хүн суллагдахгүй. Хоригийг хүлээгээд авсан. Энэ дагуу Өршөөлийн хуулийн 9.1.3 дугаар зүйл, 5 дугаар зүйл хоёрт өөрчлөлт орох ёстой. Үүнийг нь тусгаж өгөөгүйгээс бүх ажил замхраад дууслаа. Шоронд ял эдэлж байгаа хүмүүсийг суллах аргагүй боллоо" гэв.
Т.Сар
