Нийлэлийн Шинжлэх ухаан үйлдвэрлэл, инновацын газар, Нийслэлийн Засаг даргын Тамгын газрын дэргэдэх Сургалт, судалгааны төв Германы олон улсын хамтын ажиллагааны нийгэмлэгийн (GIZ) EEP/PIE2 төсөл, PMI Mongolia байгууллагатай хамтран “Төслийн удирдлагын үндэс” сургалтын агуулга боловсруулах анхан шатны сургалт-хэлэлцүүлгийг Улаанбаатар инновацын төвд 2020 оны 08 дугаар сарын 19-ний өдөр зохион байгууллаа.
Тус сургалт, хэлэлцүүлэг нь төслийн удирдлагын чиглэлээр дэлхий дээрх хамгийн өргөн хэрэглэгдэж буй төслийн менежментийн суурь ойлголт буюу (PMBOK V.6) стандарт дээр үндэслэн боловсруулагдаж, төслийг стандартын дагуу төлөвлөх, санхүүжүүлэх, хэрэгжүүлэх талаарх агуулгыг сургалтын агуулгад оруулах санал авах зорилготой юм.
Энэхүү сургалтад Төслийн зөвлөх М.Билгүүндэмбэрэл (PMP зэрэгтэй) багшаар удирдан явуулж НЗДТГ-ын мэргэжилтнүүд, НШУҮИГ-ын мэргэжилтнүүд болон бусад агентлаг харьяа газруудын мэргэжилтнүүд, НЗДТГ-ын дэргэдэх Сургалт, судалгааны төвийн удирдлага болон Германы ОУ-ын Хамтын Ажиллагааны Нийгэмлэгийн (GIZ) EEP/PIE2 төслийн баг оролцлоо.
