"Got talent" шоуг анхлан санаачлагч, ерөнхий продюсер Саймон Коуэлл "Авьяаслаг монголчууд" шоугаар үнэхээр бахархаж байгаа талаар “Mirror” онцолжээ. Саймон хэлэхдээ, дэлхийг эзэлж явсан Чингис хааны бахархалт ард түмэн монголчууд авьяастай юм байна гэдгийг дэлхийн өнцөг булан бүрт харж байна. Монголд зохиогдож байгаа шоугаар үнэхээр их бахархаж байна. -40 хэмийн хүйтэн өвөлдөө бэлтгэж байгаа монголчуудад энэ шоу итгэл найдвар, дулаан илч өгч байна гэжээ.
“Mirror”-т, "Авьяаслаг монголчууд" шоуны оролцогчид болох гэр бүлийн хамтлаг, Л.Өлзийсолонго охин, бүжигчин Т.Саруултөгс, Цахилгаан станцын Долдой буюу Б.Төмөрчөдөр нарыг онцлон, бичлэгийг нь байршуулсан байна. Бичлэгийг эндээс үзнэ үү/www.mirror.co.uk/ Дашрамд дурдахад, Саймон Коуэлл "Авьяаслаг америкчууд" шоугаа эргэн хөтлөхөө зарлажээ.
Эх сурвалж: Times.mn
