Иргэн С.Ц нь “Монголын боловсрол залуучууд солилцооны үндэсний ассоциаци” ТББ-аас зуучлалын хөлс болох таван мянган доллар буюу 8 8 сая төгрөгөө нэхэмжилээд бүрэн авч чадахгүй байгаа гэнэ. Тэрээр энэхүү ТББ-ын зурагтаар явуулдаг АНУ-ын их дээд сургуульд маш ашигтай, хөнгөлөлттэй нөхцлөөр зуучлан суралцуулна гэсэн зар сурталчилгаанд итгэж охиноо сарын 460 мянган төгрөгийн төлбөртөйгээр англи хэлний дамжаанд нь сургажээ. Дараа нь 29 доллар төлж англи хэлний түвшин тогтоох шалгалт өгүүлж. Түвшин тогтоох шалгалтын дараа “Монголын боловсрол залуучууд солилцооны үндэсний ассоциаци” нь зуучлалын таван мянган доллар төлөх юм бол жилийн 25 мянган долларын хөнгөлөлт эдлээд таван жил суралцуулах дээд сургуульд найдвартай зуучилж өгнө гэсэн санал тавьжээ. Жилийн 25 мянга гэдэг нь хаана ч байхгүй хөнгөлөлт болох тул хүүхдээ явуулья гэж шийдээд 2014 оны 3-р сарын 17-ны өдөр зуучлалын гэрээ байгуулж тэр өдрөө ханшаар нь тооцоод 8.8 сая төгрөг дансанд нь тушаажээ. Иргэни хууль болон гэрээнд зааснаар зуучлуулагчийн ашиг сонирхлын өмнөөс хөнгөлөт үзүүлэх дээд сургуульай холбож өгөх үүрэг хүлээсэн ч “Монголын боловсрол залуучууд солилцооны үндэсний ассоциаци” нь энэ үүргээ биелүүлсэнгүй гэж иргэн С.Ц гомдол гаргажээ. Зуучлалын гэрээнд заасны дагуу ажиллагаа хийгдээгүй, 16 сургуулийн жагсаалт танилцуулсан ч нөгөө амлаад байсан 25 мянган долларын хөнгөлөлт үзүүлэх тухай тусгагдаагүй, харин өндөр төлбөртэй төдийгүй 17 нас хүрээгүй хүүхдийг дотуур байранд бус америк айлд байлгадаг болох нь тодорхой болсон тул тус ТББ-тай байгуулсан гэрээнээсээ татгалзаж зуучлалын 8.8 сая нэхжээ. Харин ын залуус тэтгэлэгт хөтөлбөрт зуучлах гэрээг байгуулж зуучлалын гэрээнд төлөгдсөн төлбөр нь эргэж төлөгдөхгүй гэдгийг маш тодорхой хэлж өгсөн хэмээн зүтгэжээ. Тэд үйл ажиллагааны зардалд 650 ам.долларыг нь авч, 4350 долларыг нь АНУ-ын “IDIE” байгууллага руу шилжүүлдэг гэнэ. Өнөөх “IDIE” нь авсан мөнгөө буцааж өгдөггүй болж таарчээ. Мөн 18 сургуулийн урилгыг санал болгосон ч С.Ц татгалзсан гэж тайлбарлаж байгаа гэнэ. Харин гомдол гаргагч иргэн нь ерөөсөө “Монголын боловсрол залуучууд солилцооны үндэсний ассоциаци”-ийн үйл ажиллагаанд эргэлзэж эхэлсэн гэжээ. Санал болгосон гэх дээд сургуулиудын нөхцөлтэй танилцахад “ дотуур байраар хангах боломжгүй, хөнгөлөлт нөхцөл нь санаанд хүрэхгүй, өндөр төлбөртэй” байсан тул татгалзахаас өөр аргагүй болжээ. Гадаадад их дээд сургуульд зуучлуулж байгаа иргэд эхлээд зуучлагчаа зөв сонгож, сайтар судалж үзсэний дараа гэрээ байгуулж мөнгө төлбөрөө төлөх хэрэгтэйг энэ явдал дахин харууллаа.
NUUTS.mn
