Сэтгүүлч Л.Мөнхбаясгаланд цагдаагийн газраас эрүүгийн хэрэг үүсгэж улмаар хилээр гарах эрхийг нь хаасан мэдээлэл олны анхаарлыг ихэд татаж байна. Тэрбээр энэ талаар өөрийн фэйсбүүк хуудсандаа "Сэтгүүлч миний бие АНУ ын Вашигтонд орших Олон улсын эрэн сурвалжлах сэтгүүлчдийн холбоотой уулзаж гишүүнээр элсэн Монголын олигархуудын талаарх оффшор мэдээллүүдийг авахаар өнөө шөнө 00.55 нисэх байлаа. Гэтэл Эрүүгийн цагдаагийн газрын ахмад Баасанжав ажил тарсаны дараа 20.00 цагийн үед гэнэт дуудав. Ажил тарсаны дараа утсаар ярьсан учир дараа очьё гэтэл албадан авчирна хэмээв. Онгоц нисэхээс өмнө гялс уулзчаад явья гээд очтол Эрүүгийн хэрэг үүсгэн улсын хилээр гарахыг хориглов. Ийнхүү оффшорчдын мөрөөр орж олон улсын сэтгүүлчидтэй нэгдэх гарцыг минь хаалаа. Энэ их чухал ажил бсан юм аа, уг нь. . Сүүлийн үед манай багт үзүүлж байгаа дарамт хэрээс хэтэрлээ. Маргааш хэвлэлийн бага хурал хийж олон түмэнд дэлгэрэнгүй мэдээлэл өгнөө, өнөө шөнө баривчлагдчихгүй бол... та бүхэнд баримт болгож авчихсан байсан онгоцныхоо тийзийг оруулав" гэж бичсэн юм.

Тэгвэл баттай эх сурвалжийн мэдээлж буйгаар сэтгүүлч Л.Мөнхбаясгаланг оффшор дансны асуудлаар огт шалгаж байцаагаагүй. Мөн уг асуудлаас болж хилээр гарах эрхийг нь хаагаагүй гэнэ. Түүнийг залилангийн хэргээр шалгаж байгаа аж. Одоогоор мөрдөн байцаалтын шатанд яваа учир хэргийн талаар нууцалж байгаа бололтой.

Б.Саран

Эх сурвалж: Etoim.mn