“МИАТ” төрийн өмчит хувьцаат компанийн дэд захирал асан Н.Энхбаатарыг бусдаас их хэмжээний авлига авсан гэх асуудлаар АТГ-аас 2018 оны долдугаар сард саатуулан шалгаж эхэлсэн.
Эх сурвалжуудын мэдээлж буйгаар, “МИАТ” төрийн өмчит хувьцаат компанийн дэд захирал асан Н.Энхбаатарын бусдаас их хэмжээний мөнгө авлигад авсан гэх асуудал нь мөрдөн байцаалтын явцад НОТЛОГДООГҮЙ учир түүнтэй холбоотой хэргийг хаажээ. Тиймээс тэрээрөнөөдрөөс эхлэн МИАТ-ын дэд захирлын ажлаа хийж эхэлсэн гэх мэдээлэл байна.
Түүнийг МАН-ын нарийн бичгийн даргаар томилохоор зэхэж байсан ч намын удирдлагуудаас нь чиг гаргаж эргүүлэн МИАТ-ын дэд захирлын ажилд нь ийнхүү томилжээ. Тэрбээр Ерөнхий сайд У.Хүрэлсүхийн хамгийн ойрын хүн гэгддэг билээ.
Тиймээс 2020 оны сонгуулийн нэр дэвшилт, тойргийн хуваарилтад тэрбээр онцгой эрх мэдэлтэй оролцоно гэж МАН-ынхан ярьж байна. Өнгөрсөн долдугаар сард болсон НАМЗХ-ын нэр дэвшигчид болон дэд дарга, удирдах зөвлөлийн гишүүдийг сонгох гол эрх мэдлийг тэрбээр атгаж, бүхий л зохицуулалтыг хийснээс нь үзвэл тэрбээр МАН-д эрх мэдэл өндөртэй байна.
Т.Хулантахь
Эх сурвалж: isee.mn
