Ховд аймгийн Булган суманд ажил үүргээ гүйцэтгэж явсан цагдаагийн дэд ахлагч Б.Төмөрчөдөрийн амь насыг хөнөөсөн хэрэг өнгөрсөн дөрөвдүгээр сард гарсан.

Түүнийг 17-19 насны гурван хүүхэд  хөнөөсөн хэмээн сэжиглэгдэж байсан. Тэд Булган сумын 12 жилийн нэгдүгээр сургуулийн 8, 9, 11 дүгээр ангид сурдаг Х.Сайгаш, Х.Сагарпали, Х.Хапаар нар үйлдсэн нь тогтоогджээ. Тэд "Бүрэн" дэлгүүрээс идэх зүйл хулгай хийх гэж орсон. Тэгэхдээ аавынхаа бууг авч явсан юм. Дэлгүүр дотор гялгар уутанд, шоколад, чихэр хийгээд зогсож байтал хүмүүс ороод ирсэн. Гар чийдэнгийн гэрэл, цагдаа хувцас харагдахаар нь айгаад буудчихсан юм. Тэгээд нөгөө цагдаа нарыг яв гэж хэлсэн яваад өгөхөөр нь дэлгүүрийн цонхоор гарч гүйгээд гэртээ очсон. Бид нар цагдааг буудаж амийг нь хөнөөсөн гэдгээ маргааш өглөө нь хүмүүсээс мэдсэн. Цагдаа нарт хэлэх гэсэн боловч айгаад хэлж чадаагүй" хэмээн мэдүүлж байжээ.

Бүтэн жилийн турш эл хэргийг шалгасан бөгөөд энэ сарын 2-ны өдөр хэргийг хэлэлцээд Х.Хапаарт 25 жилийн ял оноожээ. Түүнийг өмнө нь удаа дараа хулгай хийсэн, албан үүргээ гүйцэтгэж явсан төрийн албан хаагчийн амийг хөнөөсөн гэх үндэслэлээр дээрх ялыг оноосон аж. Харин Х.Хайгаш, Х.Сапаргали нарт хоёр жилийн хорих, мөн хугацаагаар тэнсэн харгалзах ял оноосон байна. 

Х.Даваа