Сонгуулийн Ерөнхий хорооноос ИЗНН-ыг сонгуульд оролцуулахгүй гэх шийдвэрийг гаргасан ч үүнийг тус намын дарга Ц.Ганхуяг нар эсэргүүцэж Захиргааны хэргийн шүүхэд гомдол гаргаад байсан юм.
Тэгвэл энэхүү гомдлыг өнөөдөр Улсын дээд хяналтын шатны хуралдаанаар хэлэлцэж ИЗНН-ын талд шийдвэр гаргажээ. Улсын дээд шүүхээс СЕХ-г хууль зөрчин шийдвэр гаргасан гэж үзэн ИЗНН-ыг 2016 оны сонгуульд оролцохыг бүртгэх нь зүйтэй хэмээн шийдвэрлэсэн байна.
Энэ талаар ИЗНН-ын дарга Ц.Ганхуяг "Улсын дээд шүүх ИЗЗН-ыг дангаар сонгуульд оруулах нь зүйтэй гэсэн шийдвэрийг гаргалаа. Шударга шүүхэд баярлалаа" гэлээ.
