Эрүүл мэндийн яамны Төрийн нарийн бичгийн даргаар ажиллаж байсан Н.Түмэндэмбэрэл нь албан тушаалаа урвуулан ашиглаж, төсвийн хөрөнгийг завшсан хэргээр АТГ-т хоёр жил гаруй шалгагдсан юм. Түүний энэ хэрэгт нийтдээ найман хүн холбогдсон байлаа. Н.Түмэндэмбэрэл нь тендерт өөрийн хувийн “Лабтех” компанийг ялуулж, төсвөөс мөнгө сааж байсан нь тогтоогдсон юм. Иймээс Дүүргийн эрүүгийн хэргийн анхан шатны нэгдүгээр шүүхээс эдгээр хүмүүсийн хоёрынх нь хэргийг хэрэгсэхгүй болгож, зургаан хүнд ял оноосон байна. Шүүх бүрэлдэхүүн уг хэргийн гол зохион байгуулагч нь Н.Түмэндэмбэрэл гэж үзсэн тул түүнд гурван жилийн хорих ял оноолоо. Харин “Лабтех” компанийн захирал Б.Болор, тус яамны мэргэжилтэн асан Б.Мөнхтуул нарыг хоёр жилийн хорих ялаар шийтгэж, Түвшинтөр, Даваа, Мөнхдэлгэр нарыг тэнсэн харгалзсан байна. Мөн Отгонжаргал, Баяртогтох нарын хэрэг тогтоогдоогүй тул цагаатгажээ.
Б.Баяр
Эх сурвалж: Tumen.mn
