79 дэх удаагийн хоккейн Дэлхийн аварга шалгаруулах тэмцээн Чех улсад болж өнгөрсөн шөнө аваргаа тодруулж дууслаа. Эхний тоглолт хүрэл медалийн төлөөх тоглолт байсан бөгөөд АНУ баг Чехийг нутаг дээр нь 3-0 хожиж хүрэл медаль зүүлээ.
Харин хамгийн сонирхолтой тоглолт бол алтан медалийн төлөөх тоглолт ОХУ хоккейчид энэ ДАШТ ганц ч хожигдол хүлээгүй байгаа Канадын багтай тоглож 6-1 харьцаагаар Канад шигшээ 25 дахь удаагаа ДАШТ-ий цомыг өргөлөө. Тус тоглолт эхний үед Канадын Күди Экин онооны харьцааг нээж 1-0 болгосон бол хоёрдугаар үед дараалж гурван шайбыг Бобровскигийн хаалганд оруулжээ. ОХУ-ын ганц шайбыг Евгэни Малкин гуравдугаар үеийн 12 дахь минутад оруулсан байна.
Канад улс хамгийн сүүлд 2007 онд Дэлхийн Аварга болж байсан бол ОХУ хамгийн сүүлд өнгөрсөн жил буюу 2014 онд Дэлхийн Аварга болж байсан бөгөөд нийт 27 /СССР 22, ОХУ 5/ удаа аваргын болж байжээ.
