“Монгол туургатны мисс” тэмцээнээс шагнал гардаж, загварын ертөнцөд хөл тавьсан О.Байгалийг топ модель хэмээн эндүүрдэг хүн цөөнгүй. Гэвч тэрбээр 1998 онд хүртсэн “Шилдэг загвар өмсөгч”, 2001 оны “Монголын сайхан бүсгүй” хэмээх өргөмжлөлөөс өөр шагналгүйгээр загварын тайзнаас буусан билээ.
Ерөнхий сайд Ч.Сайханбилэгийн гэргий болсноор мэргэжлээсээ хөндийрсөн тэрбээр одоо Монголын анхны алжаал тайлах гоо сайхны цогц төвийг өөрийн нэрээр овоглон байгуулж, эцэг, эхийн өгсөн нэрийг брэнд болгон, бизнесийн салбарт хүч сорьж яваа. Салбар салбар луу урваж явдаг тэрээр нэг хэсэг кино салбарт хүч сорьж “Улаан польто” УСК хүртэл тоглоод амжсан.
Тэгвэл энэ удаад Ерөнхий сайдын гэргий Зайсанд үнэт эдлэлийн дэлгүүр нээжээ. Ямартай ч салоноор нь үйлчлүүлдэг эзэгтэй нар одоо О.Байгалийн үнэт эдлэлийн дэлгүүрийн худалдан авагчид болсон сурагтай.
Эх сурвалж: Шуурхай.мн
