Өдгөөгөөс бараг хориод жилийн өмнө буюу 1996-2000 онд Өвөрхангай аймгаас УИХ-д сууж байсан “сум” хочит Х.Дашзэвэг сураг алдраад удсан тухай ойр дотных нь хүмүүс ярьж байна. Учир нь тэрээр ардчилсан хувьсгал үүсч ахуй цагаас л өдгөөгийн эрх баригчидтай өвөр түрийдээ орж, тэднийг хамгийн сайн мэдэх болсон нэгэн. Тиймээс Х.Дашзэвэг мөр зэрэгцэн улстөр хийж явсан нөхдөө нүүр буруулсанд чамгүй уурсаж, факт баримтыг нь дэлгэх тухай тэдэнд зурвас илгээж байжээ. Ингээд зогсохгүй сонин хэвлэлээр ч сүрдүүлсэн удаа бий.

        Х.Дашзэвэгийн хувьд тэдний факт баримтыг ёстой бүх талаар мэдэх хүн гэдэгтэй бүгд санал нийлнэ. Өдөөгийн Ерөнхийлөгч Ц.Элбэгдоржоос эхлээд бүхий л нөхдийн нууцыг мэдэх цор ганц хүн нь яах аргагүй “сум” мөн. Тэр ч бүү хэл С.Зориг агсантай тэрээр ойр байсан төдийгүй бүхий л цаг хугацааг тэд шатар нүүж, ирээдүйн улстөрийн халуун яриаг өрнүүлдэг байсан гэнэ. Тиймээс “сум” хочит маань С.Зориг агсны үхлийн талаар ч чамгүй зүйлийг мэднэ гэдгээ хэлж байв.

     Тиймээс тэрээр энэ тухай ярина гэж шантааж хийж байсан сураг байгаа юм байна. Тэрээр хэд хэдэн удаа ийнхүү согтуу шантааж хийсний дараа нас барсан гэх харамсалтай мэдээг сонсов. 2009 онд хамгийн сүүлд нэгэн сэтгүүлчид ярилцлага өгөхдөө “Ах нь 10 жил сонинд ярилцлага өгсөнгүй. Одоо нэг дуугарах цаг нь болсон. Хамт басйан нөхөд бүгд төрийн өндөр дээд сэнтийд хамтрах нэрээр заларч байна. Уг нь хамт өлсөж ядарч явсан хүмүүс нэгнээ харж үзвэл зүгээрсэн. Ах нь цагаа болохоор энэ Элбэгдоржоос эхлээд бүхий л факт баримтыг дэлгэнэ,ээ” хэмээж байжээ.
Эх сурвалж: Unen.mn