Хятадын Эрээн хотод нэгэн Монгол эмэгтэй бусдын гарт амиа алдсан тухай өчигдөр манай сайт  мэдээлсэн билээ. Гэхдээ  орой болтол талийгаач чухам хэн болох нь тодорхой бус байсан юм. Харин өнөө өглөө Эрээн хотоос эх сурвалжууд  таалийгаачийг н.Сумъяа гэдэг 40 орчим настай эмэгтэй, тэр бусдын гарт зэрлэгээр хөнөөгдсөн, уг хэргийг  цагдаа нар мөрдөн шалгаж эхлээд байгаа талаар мэдээллээ. Гэмт этгээдүүд  талийгаачийн толгойн тус газар зодож, хэд хэдэн удаа хутгалсан байжээ.

Эрээн хотын Дүнчин дүүргийн “Ан Тай” зочид буудлаас урагш байрлах нэгэн шавар байшингаас  талийгаачийн цогцосыг олсон байна. Талийгаач нь Замын-Үүд сумын харъяат бөгөөд нөхөр, бага насны хоёр хүүхдийн хамт амьдарч байсан гэнэ.

Талийгаачийн цогцос олдсон тэрхүү шавар байшингийн эзэн нь Ли овогт хятад иргэн аж. Цагдаа нар түүнийг  одоогоор сэжигтнээр тооцон баривчлан саатуулаад байгаа юм байна. Талийгаач н.Сумъяа  энэ сарын 13-ны өдөр Эрээн хотод очсон нь  хилийн боомтын бүртгэл мэдээллээс тодорхой болоод байгаа ажээ.

Б.Баяр

Эх сурвалж: Tumen.mn