МАН-ын Удирдах зөвлөлийн гишүүн, Шадар сайд асан У.Хүрэлсүх тэргүүтэй сонгуулийн төв штабын ажлын хэсгийнхэн 2016 оны 6-р сарын 20-27-ны өдрүүдэд Өвөрхангай аймгийн Арвайхээр хот, Хархорин, Хужирт, Бат-Өлзий, Уянга, Хайрхандулаан сумд, Баянхонгор аймгийн төвийн багууд, Өлзийт сум, Говь-Алтай аймгийн Алтай хотод ажилалаа. Эдгээр уулзалтын хүрээнд нийт 7000 гаруй иргэд сонгогчидтой уулзаж, МАН-ын сонгуулийн мөрийн хөтөлбөрийн онцлог, улс орны өнөөгийн байдал, цаашдын зорилтын талаар ухуулах яриа хийж, мөн хөдөөгийн малчин ардын санаа бодлыг сонсч, хөдөө орон нутагт тулгамдсан асуудлууд, түүнийг хэрхэн даван туулах арга замын талаар илэн далангүй харилцан санал солилцсон, халуун дулаан уур амьсгалд уулзалтууд болж өнгөрчээ. Уулзалтанд оролцсон иргэд, сонгогчид өмнөх сонголтын алдааг дахин давтахгүй байж, ирээдүйгээ ЗӨВ сонгож, хайртай эх орноо МАНдуулъяа хэмээн уриалж байлаа.
Эх сурвалж: МАН-ын Сонгуулийн төв Штаб
