МҮОНРТ-ийн Ерөнхий захирал асан М.Наранбаатар энэ оны нэгдүгээр сард ажлаасаа хусагдсан юм. Тэр УИХ-ын дарга З.Энхболдтой зарга үүсгэснийхээ шанд ажилгүй болсон гэх яриа бий. З.Энхболд нь МҮОНРТ-ийг “...архичдаар дүүрсэн” хэмээн зарласан нь маргааны гол сэдэв болж байлаа. М.Наранбаатар үүнийх нь хариуд түүнийг шүүхэд өгсөн. Харин З.Энхболд нь зөрүүлээд М.Наранбаатарын  “...сонгуулийн үеэр тэр надад шахалт үзүүлж, заавал ийм нэвтрүүлэг цацаарай гэж дарамталсан”  хэмээх мэдэгдлийг  өлгөж аван эрүүгийн хэрэг үүсгүүлэхээр цагдаад хандсан байв. Гэхдээ М.Наранбаатар нь олон нийтийн мэдээллийн хэрэгслээр уучлалт хүссэн юм. Гэвч угийн шазруун З.Энхболд түүний уучлалт хүссэнийг хүлээж аваагүй аж. Саяхан Баянгол дүүргийн цагдаагийн хэлтэст М.Наранбаатарын  хэргийг шалгаж дуусаад шүүх рүү шилжүүлжээ. Шүүх хэрхэн шийдэхийг таашгүй. Хэрвээ шүүгч нар нь УИХ-ын даргын өндөр албан тушаалын өмнө бөхийж асуудалд хандвал М.Наранбаатар бусдын нэр төр, алдар хүндэд хандсан хэргээр эрүүгийн хуулийн 111 дүгээр зүйл ангийн дагуу  ял сонсох болж байна.

Б.Баяр

Эх сурвалж: Tumen.mn