“Орон нутгийн үйлдвэрлэлийн түншлэл” дэд хөтөлбөрийн хүрээнд Ногоон бизнес зөвлөх үйлчилгээ ТББ-тай хамтран санхүүгийн талаарх үндсэн ойлголт, санхүүгээ удирдан жолоодох, орлого, зарлагаа тооцоолох, эдийн засаг, санхүүтэй холбоотой зөв, оновчтой шийдвэр гаргах, хөнгөлөлттэй бизнесийн зээл, тусламж, дэмжлэг авах сувгуудыг олж мэдэх зорилго бүхий “Бизнесийн зээл ба зээлийн бүтээгдэхүүн, үйлчилгээ” сургалт зохион байгуулагдлаа.
Сургалтад Нийслэлийн 9 дүүргийн Жижиг, дунд үйлдвэрлэлийг дэмжих төвөөс шалгарсан бизнес эрхлэх хүсэлтэй болон эрхэлж буй иргэн, аж ахуйн нэгжүүд оролцон, амжилттай төгсөн гэрчилгээгээ гардан авлаа.
