Нийслэлийн ХУД-ын 4, 11 дүгээр хорооны  нутаг дэвсгэр Зайсан, Арцатын аманд 1960-аад оноос хойш амьдарсан уугуул иргэдийг төлөөлүүлэн 27 иргэнд өнөөдөр БОНХАЖ-ын сайд Д.Оюунхорол газар ашиглалтын гэрчилгээг нь гардууллаа. Уг асуудлыг судлан шийдвэрлэх үүрэг бүхий ажлын хэсэг эхний ээлжинд  газрын давхцалгүй,  инженерийн шугам, сүлжээ бүхий дэд бүтэцтэй газарт байршаагүй,   нийтийн эзэмшлийн орц, гарц таглаж буугаагүй,  аливаа шатны шүүхэд   маргаангүй гэхчилэн ямар нэг зөрчилгүй нийт 302 иргэнд газрын гэрчилгээг нь олгохоор шийдвэрлэжээ. Тус ажлыг гүйцэтгэх явцад газрын хэмжээхарилцан адилгүй, нэг хашаан дахь айл өрхийн тооолон, газрын маргаантай, орох гарах зай завсаргүй шахаж буусан, хаягийн шилжүүлэггүй гэх мэт олон бэрхшээл тулгарсан байна. Цаашид зөрчилгүй иргэдийн гэрчилгээг үргэлжлүүлэн олгох, зөрчлийг шийдэж болохуйц  үлдсэн иргэдийн газрын асуудлыг судлан шийдвэрлэхээр     ажиллах юм байна.

ХУД-ийн иргэн  105 настай  С.Дарь:

-Үнэхээр их баярлалаа. Ядаж 70, 80 настай байсан бол хөгжлийн хормойноос зүүгдэх юмсандаанч 100 гарчихсан болохоор чадахгүй юм. Nйм өндөр насалтлаа хүлээгээд шийдээгүй газрын асуудлыг минь шийдэж өгч байгаа Д.Оюунхорол сайдад насыг минь аваарай гэж ерөөе. Гэсэн юм.

Өмнө нь БОНХАЖ-ын сайд дээрх хороодод ажиллаж иргэдтэй уулзах үедээ С.Дарь гуайнд очсон бөгөөд өчигдөр түүнд хувиасаа таван ханатай гэр бэлэглэсэн аж.

ХУД-ийн иргэн  105 настай  Д.Давааням:

-Арав гаруй  жил янз бүрийн сайд дарга нарт хүсэлт тавиад шийдээгүй асуудлыг нь зургаахан сар ажиллахдаа шийдэж өгч байгаа БОНХАЖЯ-ны удирдлагад баярлаад барахгүй байна. Өнөөдөр газрын гэрчилгээгээ  авсандаа баяртай байна.

ХУД-ийн дөрөвдүгээр хорооны засаг дарга Т.Ган-Од:

-ХУД-ийн 356 иргэн 228 өрх дархан цаазтай бүс нутагт амьдардаг иргэдээс ямар ч асуудал маргаангүй 116 иргэн өнөөдөр салбарын сайдаасаа газрын гэрчилгээгээ гардаж авлаа маш их баяртай байна. Энэ ажлыг хурдан шуурхай зохион байгуулсан ажлын хэсгийхэнд баярлалаа гэж хэлмээр байна.

Т.Болор