Ойрын өдрүүдэд уулархаг нутгаар цас орж, цасан шуурга болох төлөвтэй байгаа тул ОБЕГ-аас нийт улсын хэмжээнд авто тээврийн хэрэгслээр зорчигчдод сэрэмжлүүлэг гаргажээ. Тухайлбал, Говь-Алтай, Архангай, Өмнөговь аймгийн зарим нутгаар 10-15 см цасан бүрхүүл тогтсон аж. Цаашид ихэнх нутгаар цасан шуургатай, хүйтэн байх тул алс замд гарахаар зэхэж буй иргэд, жолооч нар тээврийн хэрэгслийнхээ бүрэн бүтэн байдлыг сайтар хангах хэрэгтэй. Мөн дулаан хувцас, шатахууны нөөцтэй явахыг анхааруулсан байна.
Шуурхай.мн
