Эдийн засгийн хүндрэлээс гарахын тулд Засгийн газар жирэмсэн, одонтой эхчүүдийн тэтгэлгийн мөнгөнд хүртэл халдаж, танах гэж буй тул иргэд бухимдаж байгаа. Үүний хажуугаар мөн Ч.Сайханбилэгийн Засгийн газраас зарим татварыг нэмнэ гэсэн. Тухайлбал, хамгийн бага шатахуун зарцуулдаг, олны дунд “ядуусын машин” хэмээн нэрлэгдэх болсон приус маркын автомашины татварыг гурав дахин нэмэгдүүлж, жилд 108 мянган төгрөг авахаар хуульчлах гэж байгаа юм. Иргэд үүнийг сонсоод “Хэрвээ тэгж бидний амьдрал руу гар дүрэх юм бол босч тэмцэнэ, эсэргүүцлээ илэрхийлнэ” гэж байна. УИХ-ын бие даагч С.Ганбаатар, Ц.Даваасүрэн нарын гишүүд ч тэдний талд зогсохоо мэдэгджээ.
Б.Баяр
Эх сурвалж: Tumen.mn
