Тус хамтлагийн өнгөт үрэл болох Ц.Намуунаа эрлийз цустай гэдгээ ихэд нууж явсан ч, жил гаруйн өмнө эцэгтэйгээ уулзахаар харь орныг зорьсноор энэ бүх нууц нь задарч байлаа. Бор арьс, буржгар үс, галбирлаг бие гээд л цаанаа л нэг өөр харагдах дуучин бүсгүйн гарал угсаа ямар вэ гэдгийг ихэнх хүмүүс мэднэ. Габонд амьдардаг өнгөт арьст эцэг, дүү нартайгаа хоёр жилий өмнө сэмхэн уулзаад ирсэн дуучин бүсгүй өөрийн фэйсбүүк хуудсанд энэ бүхнээ ил гаргаж тавьсан байдаг. Тэгвэл түүний багын дүр төрх нь ямархуу байсныг сонирхоё. Хөгжим бүжгийн коллежид долоон настайгаа эхэлж сурсан тэрбээр тухайн үед ангидаа нэлээд өндөрт тооцогддог байж.

Таван нас хүртлээ аавтайгаа цуг байсан ч ээжийгээ даган эх орондоо ирсэн Ц.Намуунаа “Намайг харахад эрлийз гэдэг нь ойлгомжтой. Гэхдээ би үүнийг тодорхой ярихыг хүсдэггүй. Аавтайгаа байнга холбоотой байдаг” гэж хэлсэн удаатай. Тэрбээр сурагч ахуй насандаа элдэв гоёл хөөцөлдөөд байдаггүй даруухан нэгэн байсан бөгөөд багагүй хугацаанд нүдний шил зүүсэн аж.

Эх сурвалж: Photonews.mn